அந்த மாலை மங்கும் நேரத்தில் வைரவனின் வீடே ஒருவித பரபரப்பில் இயங்கிக் கொண்டிருந்தது.

“மரகதம் என்ன டீ பண்ற உள்ளே இங்க பாரு இன்னும் பூக்காரம்மா வரல..வந்து என்னனு பார்க்கலாம் தான..?”

“ஐய்யையே உங்களோட என்ன இது இப்படி அக்கப்போரா இருக்கு..உங்க பொண்ணை பொண்ணு பார்க்க வராங்கனா அதுக்காக பூக்காரம்மாக்கு வேற வேலை இருக்காதா அவங்க வர வேண்டிய நேரத்துக்குதான் வருவாங்க..சும்மா தொணதொணனு என் உயிரை எடுக்காம உங்க பொண்ணுகூட போய் உக்காருங்க போங்க..

இன்னொரு தடவை என் பேரை ஏலம் விட்டீங்க என்ன பண்ணுவேன்னு எனக்கே தெரியாது சொல்லிட்டேன்..”,என்றபடி அவரை பலமாய் முறைத்துச் சென்றார்.

தலையை சொறிந்தவாறே தன் மகளறைக்கு வந்தவர் கட்டிலில் அமர மறுபுறம் அமர்ந்து தன் நகையை போட்டுக் கொண்டிருந்தவள் அவரை பார்த்து நமட்டுச் சிரிப்பு சிரித்தாள்.

“ஏன்ப்பா இப்படி அம்மாகிட்ட திட்டு வாங்கிகிட்டே இருக்கீங்க.. பாவம் அவங்களும் எத்தனை வேலை பார்க்குறாங்க..”

“ம்ம் நா என்ன டா பண்றது நேத்து வரையுமே நீ எனக்கு ஸ்கூல் யூனிஃபார்ம் போட்ட மதுமிதா வா தான் தெரிஞ்ச.. திடீர்னு உன்னை கல்யாண வயசுல என்னால நினைச்சு பார்க்கவே முடிலடா..”

“ப்பா ஐ அம் 24 ஆல்ரெடி நீங்கதான கல்யாணம் பண்ணிக்கோ பண்ணிக்கோனு என்னை கன்வின்ஸ் பண்ணி சம்மதிக்க வச்சீங்க.. இப்போ இப்படி சொன்னா என்ன அர்த்தம்..சரி இவ்ளோ பீல் பண்றீங்கனா சொல்லுங்க இன்னும் ஒரு இரண்டு வருஷம் கழிச்சு கல்யாணம் பண்ணிக்குறேன்.. என்ன சொல்றீங்க..”

“சொல்லிரப் போறேன் எதாவது..தெரியுமே அங்க இருந்து வந்து இங்க இப்படி எதாவது தான் பண்ணிட்டு இருப்பீங்கனு.நானே கொஞ்சி கெஞ்சி அவளை கல்யாணத்துக்கு சம்மதிக்க வச்சுருக்கேன்..இவ வயசுல எனக்கு இவ மூணு வயசு குழந்தை..இதுவே லேட் இதுல இன்னும் இரண்டு வருஷமா..மொத்தமா  முதலுக்கே மோசமாக்கிருவீங்க போலயே..

மதுப்பா உங்களை கெஞ்சி கேக்குறேன்..என் மேல இரக்கம் காட்ட கூடாதா..”

“ரொம்பதான் நக்கல் பண்ற டீ..ஏன் உனக்கெல்லாம் பீலிங்க்ஸே இல்லையா?”

“இருந்துச்சு எங்கப்பா என் கல்யாணத்துக்கு இதே மாதிரி பீல் பண்ண அப்போ இருந்துச்சு..”,என்றவர் விறைப்பாய் சென்றுவிட்டார்.

அப்பாவுக்கும் மகளுக்கும் அந்த வார்த்தைகளின் வீரியம் எத்தனை வலியுடையது என்று நன்றாக புரிந்தது.இருந்தும் அப்போது அந்த பேச்சை வளர்க்கவிடாமல் அடுத்தடுத்த வேலைகள் அவர்களை ஆக்கிரமித்துக் கொண்டது.

வைரவன் மரகதம் தம்பதியரின் ஒரே மகள் மதுமிதா..இன்ஜினியரிங் முடித்து ஐடி கம்பெனியில் டீம் லீடராக பணிபுரிந்து வருகிறாள்.சீஇஓ ஆக வேண்டும் என்பதே அவளின் கனவு.

அதே நேரம் ஒரே மகளாய் தாய் தந்தைக்கு அத்தனை ஆசைகளையும் நிறைவேற்ற வேண்டும் என்றும் எண்ணம் கொண்டவளாய் இருந்தாள்.அவர்களின் தற்போதைய ஆசை அவளின் திருமணம்.

எத்தனையோ எடுத்துக் கூறியும் மரகதம் பிடிவாதமாய் இருக்க வேறு வழியின்றி ஒத்துக் கொண்டாள்.

அதன்படி அவளுக்காக வந்த முதல் வரன் தான் ஸ்ரீகாந்த் ஜாதகம் பொருந்தியிருந்ததால் மேற்கொண்டு பேச முடிவெடுத்து இன்று பெண் பார்க்க வருகிறார்கள்.

ஸ்ரீகாந்த் அவனும் அதே கம்பனியின் வேறு பிரிவில் மேனேஜராகப் பொறுப்பில் இருந்தான்.இருவரும் ஒரே கம்பனி எனினும் ஒருவரை ஒருவர் இதுவரை நேரில் பார்த்ததில்லை.அம்மா அப்பா தங்கை விருதுநகர் அருகில் சொந்த வீட்டில் வாழ்ந்து வர இவன் வேலை நிமித்தமாய் சென்னைக்கு வந்தவன் அப்படியே ஒரு டூ பிஎச்கே பிளாட் வாங்கி தனியே சமைத்து சாப்பிட்டு வேலைக்குச் சென்று வருகிறான்.

சரியாய் ஐந்தரை மணிக்கு மாப்பிள்ளை வீட்டார் அனைவரும் வந்துவிட மதுமிதாவின் நெருங்கிய சொந்தமென நான்கு பேரை மட்டும் வைரவன் அழைத்திருந்தார்.

வழக்கமான வரவேற்பு உபசரிப்புகள் முடிய பெண்ணை அழைத்து வருமாறு பெரியவர் ஒருவர் கூறினார்.

ஹாலிற்கு வந்தவள் அனைவருக்கும் பொதுவாய் வணக்கம் வைத்து நிற்க அவளையும் அமருமாறு ஸ்ரீகாந்த்தின் தாய் கூறினார்.

அவளுடன் அவர் எதார்த்தமாய் சில நிமிடங்கள் பேசியிருந்து விட்டு பெண்ணோடு தனியே பேசி வா என மகனை அனுப்பி வைத்தார்.

பக்கத்து அறைக்குள் இருவருமாய் அமர்ந்திருக்க ஸ்ரீகாந்தே பேச்சை ஆரம்பித்தான்.

“நீங்க எந்த ப்ளோர்ல இருக்கீங்க..ஒரே கம்பனில இருந்துருக்கோம் ஆனா பாத்துக்கவேயில்ல பாருங்க..”

“யா நா கூட அததான் நினைச்சேன்..நா த்ர்ட் ஃப்ளோர் பினான்ஸ் டிப்பார்ட்மெண்ட்..”

“ஓ..ஓகே..சோ..எனக்கு உங்களை பிடிச்சுருக்கு..வாட் இஸ் யுவர் ஒபினியன் இன் திஸ்..எதுவாயிருந்தாலும் சொல்லுங்க..நோ ப்ராப்ளம்..”

“எனக்கும் பெருசா எந்த எக்ஸ்பெக்டேஷனும் இல்ல..பட் கல்யாணத்துக்கு அப்பறமும் வேலையை கன்டினியூ பண்ணுவேன்.ப்ரொப்பைல பாத்துருப்பீங்க..கேரியர் எனக்கு ரொம்ப முக்கியம்.இஃப் யூ டோண்ட் ஹவ் எனி இஷுஸ் இன் தட்..எனக்கு ஓ.கே தான்.”

“கமான் வேலைக்கு போறதெல்லாம் பொதுவான ஒரு விஷயமா மாறியாச்சு எப்பவோ..அதனால இதெல்லாம் ஒரு பெரிய விஷயமே இல்ல..அதுமட்டுமில்லாம எந்த பேமிலி பேக்ரௌண்ட்ம் இல்லாத  மிடில்கிளாஸ் கேட்டகிரி தான் நாம..சோ வேலை ரொம்பவே தேவை தான்..நா எதார்த்தத்தை சொல்றேன் தப்பா எடுத்துக்காதீங்கக..”

“இல்ல இல்ல நீங்க சொல்றது தான் ப்ராக்டடிகாலிட்டி..இதுல தப்பா நினைக்க என்ன இருக்கு..இந்த மேரேஜ் கமிட்மெண்ட் நினைச்சு கொஞ்சம் இல்ல ரொம்பவே பயம் இருந்துச்சு நவ் ஹேப்பி தட் அண்டர்ஸ்டாண்டபிலா பார்ட்னர் கிடைச்சுருகீங்க..”,என மறைமுகமாய் தன் சம்மதத்தை தெரிவித்தாள்.

அவளின் பதிலுக்கு சிரித்தவனாய் போலாமா என கேட்டு பெரியவர்களோடு சென்று அமர்ந்தனர் இருவருமாய்.

அவர்களின் சம்மதம் கிடைத்து மற்ற விஷயங்களும் எல்லாம் பொருந்தி வர திருமண தேதி குறித்து விடலாம் என முடிவு செய்து ஜாதகத்தை கொடுத்திருந்த ஜோசியரிடமே ஸ்ரீகாந்தின் தந்தை போனில் பேசி தேதியை முடிவு செய்தார்.

அடுத்த மாதத்தில் வரும் முகூர்த்ததில் நிச்சயம் செய்து மூன்று மாதத்திற்கு பின் வரும் முகூர்த்தத்தில் திருமணம் என முடிவு செய்தனர்.

வந்தவர்களை கவனித்து சிற்றுண்டி வழங்கி உபசரித்து என நேரம் வேகமாய் பறக்க கிளம்பும் நேரம் விடைபெறும் பொருட்டு ஒரு தலையசைப்போடு ஸ்ரீகாந்த் நகர அவளறியாமல் சிவந்த முகத்தை மறைக்கப் பாடுபட்டு தோற்றாள் மதுமிதா..

ஒருவழியாய் அனைவரும் கிளம்பிய பின் புடவையை மாற்றி இரவு பைஜாமாவிற்கு மாறியவள் ஹாலில் அமர்ந்திருந்த தாய் தந்தையோடு வந்து அமர்ந்து கொண்டாள்.

“ஷப்பா..என்ன காஸ்டியூம் மா இந்த புடவை முடில..எப்போ எங்க கழண்டுக்குமோனு பீதிலேயே வேற இருக்க வேண்டியிருக்கு..எப்படி நீயெல்லாம் நாள் பூரா இதையே போட்டுட்டு சுத்துற?”

“எல்லாம் பழக்கம் தான் டீ இப்போ என்னால நீ போடுற ஜீன்ஸை போட்டுட்டு பத்து நிமிஷம் கூட இருக்க முடியாது ஆனா அதான் உனக்கு கம்போர்டபிள்னு சொல்லுவ..அந்த மாதிரி தான்..”

“ம்ம் உன்கிட்ட பேசி ஜெயிக்க முடியுமா..”

“சரி அது இருக்கட்டும் உனக்கு மாப்பிள்ளையை பிடிச்சுருக்கு தான..எந்த கட்டாயமும் இல்ல..பிடிக்கலனா சொல்லிடு டா..”

“ம்மா..கல்யாண தேதியே குறிச்சாச்சு இப்போ வந்து இப்படி சொல்ற சாய்ந்திரம் அப்பாவ மட்டும் திட்டின?”

“கல்யாணமே வேணாம்னு சொல்றதுக்கு தான் திட்டினேன்.நா மாப்பிள்ளை பிடிக்குதா இல்லையானு உன்னை கேட்கனும்..அதான் முறையும் கூட..எடுத்தோம் கவுத்தோம்னு செய்ற விஷயமா இது..உன் வாழ்க்கை டா..

நாங்க ஆயிரம் பேர்ட்ட விசாரிச்சு உனக்கு ஏத்த மாப்பிள்ளையா தான் கொண்டு வருவோம் ஆனா அது உன் மனசுக்கு பிடிச்சதா இருக்கனும் அதுதான் ரொம்பவே முக்கியம்.”

“லாவ் யூ லவ் யூ மா..நீ ஏன் இவ்ளோ ஸ்வீட்டா இருக்க?”

“ஐயே கன்னத்தை எச் பண்ணாத டீ பச்ச குழந்தைனு நினைப்பு..”

“என்னடா மது அப்பாவ இப்படி டீல்ல விட்டியே..”

“ப்பா என்ன தான் சொல்லுங்க அம்மா அம்மா தான் நீங்க இவ்ளோ தெளிவெல்லாம் இல்லப்பா..பொண்ணு பாசத்துல ஓவரா திங்க் பண்ணுவீங்க..ஆனா அம்மா வெட்டு ஒண்ணு துண்டு ரெண்டு தான் எப்பவுமே..”

“ம்ம் அது என்னவோ உண்மைதான் உங்கம்மா இப்படி குடும்பத்தை பொறுப்பா கவனிச்சுகிட்டதுனால தான் என்னால நிம்மதியா வேலையை மட்டும் பாத்துக்க முடிஞ்சுது..அம்மா ஆல்வேஸ் கிரேட் தான்..”

“என்னப்பா இப்படி பொசுக்குனு சரண்டர் ஆய்ட்டீங்க..சோ சேட்..”

“ஏய் என்ன அப்பாவும் பொண்ணுமா என்ன வச்சு காமெடி பண்ணிட்டு இருக்கீங்களா?”

“ம்மா உண்மையை சொன்னா கூட நம்ப மாட்ற பார்த்தியா..”

“ம்ம் யாரை வேணா நம்பலாம் ஆனா உங்களை மட்டும் நம்பவே மாட்டேன்..”

“சரி சரி ம்மா நா ஒண்ணு கேட்கட்டுமா?”

“என்ன?”

“இல்ல சாய்ந்திரம் ஏன் அப்படி சொன்ன?’)”

“எப்படி??”

“இல்ல தாத்தாவ பத்தி சொன்னியே?”

“ம்ம் உண்மை தான இப்போ உங்கப்பா பீல் பண்ற மாதிரி தான அப்போ என் அப்பாவும் பீல் பண்ணிருப்பாரு..”

“ம்ம்”

“மதும்மா..எல்லா அப்பாவுக்கும் மகள் எப்போதுமே இளவரசி தான்..என் கல்யாணத்தப்போ எனக்கு 19 வயசு..அதுவரை என் வீட்ல ராஜகுமாரி தான் நா..என் பேச்சுக்கு எந்த எதிர்பேச்சும் இருந்ததில்ல.அதுவும் அப்பாவுக்கு நாதான் எல்லாமே..

அப்படியிருக்க திடீர்னு கல்யாணம் பண்ணி நீ அப்பாவ விட்டு தூரமா யாரோ ஒருத்தரோட வீட்ல தான் இனி வாழ்க்கை மொத்தமும் இருக்கணும்னு சொன்னா எப்படியிருக்கும்.

இந்தகாலத்து பொண்ணுங்களுக்கு இருக்குற தெளிவும் தைரியமும் அப்போ எல்லாருக்கும் கிடையாது டா..

கல்யாண சந்தோஷத்தை தாண்டி பயம் தான் அதிகமா இருக்கும்.அப்படி தான் எனக்கும் எங்கம்மா என்னை திட்டி திட்டி தான் வளர்த்தாங்க அதனால அவங்களை பிரியுறத நினைச்சு கூட பீல் பண்ணல ஆனா அப்பா..

கல்யாணத்துக்கு முதல் நாள் நைட் உக்காந்து அப்படி அழுதேன் இந்த கல்யாணம் வேணாம் இந்த மாப்பிள்ளை வேணாம் உங்க கூடவே இருக்கேன்னு..

உங்க பாட்டி என் முதுகுலயே ரெண்டு போட்டாங்க..விடிஞ்சா கல்யாணத்தை வச்சுட்டு என்ன பேச்சு பேசுறனு..அப்பறம் அப்படி இப்படினு சமாதானம் ஆகி அப்போவோட மனைவியா வாழ்க்கையை வாழத் தொடங்கினேன்.

அதுக்கப்பறம் விளையாட்டா கூட என் புருஷனை எங்கப்பாகிட்ட விட்டு கொடுத்ததில்ல.இதான் பெண்களோட வாழ்க்கையே..

கல்யாணம் ஆகி போகும் போது தான் அப்பாவை ரொம்பவே உணருவோம்.அதே மாதிரி நமக்கு ஒரு குழந்தைனு வந்தப்பறம் தான் நம்ம அம்மாவை பத்தி முழுசா உணருவோம்..

நீ பொறந்தப்போ உங்க பாட்டி என்னை எப்படி பாத்துகிட்டாங்க தெரியுமா..கண்ட நேரத்துல எல்லாம் நீ அழுவ சலிக்காம எழுந்து பால் காய்ச்சி கொடுத்து உன்னை தூங்க பண்ணி மறுநாள் காலையில வழக்கம் போல எழுந்து வீட்டு வேலையும் பாத்துட்டு வாய்ப்பே இல்ல தெரியுமா..

அதைவிட நீ வளர்ந்து அப்பாவோட செல்லம் கொஞ்சி என்னை கிண்டல் செய்யும் போதெல்லாம் எங்கம்மாவவை நான் நினைச்சுப்பேன்..நாம இப்படியெல்லாம் பண்ணப்போ அம்மாக்கும் இப்படிதான கஷ்டமா இருந்துருக்கும்னு..

ஒவ்வொரு ஸ்டேஜ் ஆப் லைப் ஒவ்வொண்ணும் நமக்கான பாடங்களை கத்து கொடுத்துகிட்டே தான் இருக்கும்.அதை ஒழுங்கா கத்துகிட்டு லைஃவ்ல பாஸாகுறோமா இல்ல பெயில் ஆகுறோமாங்கிதுல தான் சஸ்பென்ஸே இருக்கு..”

என்றவர் நிறுத்திவிட்டு இருவரையும் பார்க்க கண்கொட்ட மறந்து அமர்ந்திருந்தனர் தகப்பனும் மகளும்.

Have any thoughts?

Share your reaction or leave a quick response — we’d love to hear what you think!

You may also like

1 comment

suganyavel November 19, 2026 - 6:43 pm

Nice👍

Leave a Comment

error: Content is protected !!
Focus Mode